مکہ دفاعی معاہدہ امتِ مسلمہ دے روشن، مضبوط مستقبل دی نوید
معاہدے نال پاکستان دنیا وِچ وڈی تے مضبوط طاقت دے طور تے سامنے آیا: شہری
اسلام آباد (خصوصی نیوز رپورٹر) پاکستان، سعودی عرب تے ترکیہ دے مابین مکہ مشترکہ دفاعی معاہدے نوں ملک بھر وِچ بھرپور انداز وِچ سراہیا جا رہا اے۔ پاکستانی عوام نے ایس نوں ترائے برادر اسلامی مُلکاں دے اتحاد تے خطے وِچ امن و استحکام دی پاسے اہم پیش رفت قرار دیندیاں آکھیا کہ ایہ معاہدہ امتِ مسلمہ دے روشن تے مضبوط مستقبل دی نوید اے۔ شہریاں نے اپنے جذبات دا اظہار کردیاں آکھیا کہ معاہدے نال پاکستان دنیا وِچ اک وڈی تے مضبوط طاقت دے طور تے سامنے آیا اے۔ ایہناں دے مطابق ایہ معاہدہ بانیِ پاکستان قائدِ اعظم محمد علی جناح دے وژن دی تکمیل دی پاسے اہم قدم اے۔ شہریاں دا کہنا سی کہ پاک فوج دیاں کوششاں پاروں پاکستان نوں اک مضبوط طاقت دے طور تے تسلیم کیتا جا رہا اے جد کہ ترانہاں مُلکاں دے درمیان ایہ تاریخ ساز معاہدہ مستقبل وِچ امتِ مسلمہ دے اتحاد نوں مزید فروغ دین دا باعث بنے گا۔ پاکستانی عوام دے مطابق باہمی تعاون تے اتحاد نال خطے وِچ امن، استحکام تے ترقی دے نویں امکانات پیدا ہون گے، جد کہ ایہ معاہدہ امتِ مسلمہ دے روشن تے مضبوط مستقبل دی نوید اے۔
