پروٹیکٹوریٹ دفتر وِچ فراڈ بے نقاب، 2 اہلکاراں سمیت 5 ملزم گرفتار
اسلام آباد (اے پی پی) ایف آئی اے اینٹی کرپشن سرکل اسلام آباد نے راولپنڈی وِچ کارروائی کر کے پروٹیکٹوریٹ آف ایمیگرنٹس دفتر وِچ بدعنوانی تے جعلی ورک پرمٹاں دے نیٹ ورک تے چھاپہ مار کے 2 سرکاری اہلکاراں تے 3 نجی ایجنٹاں نوں گرفتار کر کے ایہناں خلاف مقدمہ درج کر لیا۔
ترجمان دے مطابق رحمان آباد دفتر وِچ شہریاں توں بیرونِ ملک ورک پرمٹ دے ناں تے بھاری رقماں بٹوڑیاں جا رہیاں سن، چھاپے وِچ 3 ایجنٹاں نوں رنگے ہتھیں گرفتار کیتا گیا تے ایہناں دی نشاندہی تے پروٹیکٹوریٹ آفس دے ڈیٹا انٹری آپریٹر مرتضیٰ علی تے اپر ڈویژن کلرک وقاص نوں گرفتار کیتا گیا۔ ملزماں دے موبائل فوناں دی ابتدائی فرانزک جانچ توں یورپ، برطانیہ، گلف تے افریقی مُلکاں دے ویزیاں دیاں تصویراں تے سرکاری اہلکاراں نال وائس نوٹس برآمد ہوئے۔
