5 افسر تبدیل، نیاز محمد فوڈ سکیورٹی دے جوائنٹ سیکرٹری مقرر
راشد محمود نوں سیکرٹری ریونیو ڈویژن، عامر علی احمد نوں فوڈ سکیورٹی ڈویژن دا اضافی چارج مل گیا؛ ناصرہ بتول کابینہ ڈویژن تے عارف کریم کلائمیٹ چینج ڈویژن دے جوائنٹ سیکرٹری تعینات
اسلام آباد (نیوز رپورٹر) وفاقی حکومت نے گریڈ 20 توں 22 دے پنج افسراں دے تقرر تے تبادلے کر دتے۔ اسٹیبلشمنٹ ڈویژن دے احکامات دے مطابق پاکستان ایڈمنسٹریٹو سروس گریڈ 22 دے افسر تے چیئرمین وفاقی بورڈ آف ریونیو (ایف بی آر) راشد محمود نوں سیکرٹری ریونیو ڈویژن دا اضافی چارج مزید ترائے مہینیاں لئی دے دتا گیا جیہدا اطلاق 8 اگست توں ہووے گا۔
پاکستان ایڈمنسٹریٹو سروس گریڈ 21 دے افسر تے سیکرٹری بے نظیر انکم سپورٹ پروگرام عامر علی احمد کول سیکرٹری نیشنل فوڈ سکیورٹی اینڈ ریسرچ ڈویژن دا اضافی چارج مزید ترائے مہینیاں لئی برقرار رکھیا گیا اے جیہدا اطلاق 19 اگست توں ہووے گا۔ سیکرٹریٹ گروپ گریڈ 20 دے افسر نیاز محمد خان نوں جوائنٹ سیکرٹری نیشنل فوڈ سکیورٹی اینڈ ریسرچ ڈویژن تعینات کر دتا گیا۔ سیکرٹریٹ گروپ گریڈ 20 دی افسر ناصرہ بتول جعفری نوں تبدیل کر کے جوائنٹ سیکرٹری کابینہ ڈویژن مقرر کر دتا گیا اے۔ سیکرٹریٹ گروپ گریڈ 20 دے افسر عارف کریم نوں جوائنٹ سیکرٹری کلائمیٹ چینج اینڈ انوائرنمنٹل کوآرڈینیشن ڈویژن تعینات کر دتا گیا۔
