شہداء ساڈے متھے دا جھومر نے: فیلڈ مارشل عاصم منیر

عسکری قیادت دی صدر، وزیر اعظم نال شہداء دے اہلخانہ نال خصوصی ملاقات، فیلڈ مارشل نے شہدائے معرکہ حق دے لواحقین دے سراں تے دستِ شفقت رکھیا۔

اسلام آباد (اے پی پی) عسکری قیادت نے صدر مملکت تے وزیر اعظم نال شہداء دے اہلخانہ نال خصوصی ملاقات کیتی، یادگارِ فتح دی شاندار افتتاحی تقریب دے دوران فیلڈ مارشل سید عاصم منیر، صدر، وزیرِ اعظم شہداء تے غازیاں دے اہلخانہ وچ گھل مل گئے، فیلڈ مارشل سید عاصم منیر نے شہداء دے لواحقین نال ملاقات وچ واضح کیتا کہ شہداء ساڈے متھے دا جھومر نے۔ فیلڈ مارشل سید عاصم منیر، صدر و وزیرِ اعظم نے شہداء تے غازیاں دے اہلخانہ دی ثابت قدمی تے ملک لئی قربانیاں نوں خراج تحسین پیش کیتا، فیلڈ مارشل سید عاصم منیر نے شہدائے معرکہ حق دے لواحقین دے سراں تے دستِ شفقت رکھیا، عسکری و سیاسی قیادت دی شہداء دے لواحقین نال خصوصی ملاقات اس عزم دی عکاس اے کہ قوم ہر موقعے تے اپنے شہداء دی قربانیاں نوں یاد رکھدی اے۔