محسن نقوی تے فضل الرحمن دی بیرسٹر گوہر دی رہائش گاہ آمد، والدہ دے انتقال تے اظہارِ تعزیت

اسلام آباد (مانیٹرنگ ڈیسک) وفاقی وزیر داخلہ محسن نقوی تے امیر جے یو آئی مولانا فضل الرحمن نے چیئرمین تحریک انصاف بیرسٹر گوہر نال انہاں دی رہائش گاہ تے ملاقات کیتی تے انہاں دی والدہ دے انتقال تے تعزیت دا اظہار کیتا تے مرحومہ لئی فاتحہ خوانی بھی کیتی۔

وزیر داخلہ محسن نقوی نے بیرسٹر گوہر نال والدہ دے انتقال تے ڈونگھے دکھ تے افسوس دا اظہار کیتا، پی ٹی آئی چیئرمین نے محسن نقوی دی گھر آمد تے انہاں دا شکریہ ادا کیتا جبکہ مولانا فضل الرحمن نے مرحومہ دی بلندیِ درجات تے مغفرت دی دعا کیتی تے کہا کہ اللہ کریم مرحومہ دی کامل مغفرت فرما کے اعلیٰ علیین وچ مقام عطا فرمائے۔ ماں جیہی شفیق تے پیار کرن والی ذات دی رحلت یقیناً بڑا صدمہ اے، ماں دا کوئی نعم البدل نہیں ہو سکدا۔