پاکستانی مصنوعات کسی طور گھٹ نہیں، حکومتی پالیسیاں دی درستگی ناگزیر: حافظ نعیم
میرا برانڈ پاکستان محض اک نمائش نہیں بلکہ نظریہ اے، نوجوانوں نوں تعلیم، ہنر تے روزگار دے مواقع دینا ہوویں گے، 1900 ارب دی پٹرولیم لیوی دا بوجھ عوام تے صنعت تے پاؤنا بند کیتا جاوے: امیر جماعت اسلامی، تقریب نال خطاب۔
لاہور (سٹاف رپورٹر) امیر جماعت اسلامی پاکستان حافظ نعیم الرحمٰن نے کہا اے کہ میرا برانڈ پاکستان محض اک نمائش نہیں بلکہ اک نظریہ اے، پاکستانی مصنوعات کسی بھی لحاظ نال دنیا دیاں مصنوعات توں پچھے نہیں، ضرورت صرف پالیسیاں نوں درست کرن، صنعتوں نوں سہولیات فراہم کرن، پیداواری لاگت گھٹ کرن تے برآمدات ودھاؤن دی اے۔ انہاں خیالات دا اظہار انہاں نے لاہور ایکسپو سینٹر وچ میرا برانڈ پاکستان دی نمائش دا افتتاح کرن توں بعد میڈیا نال گفتگو تے تقریب نال خطاب کردے ہوئے کیتا۔ اس موقعے تے مشتاق احمد مانگٹ صدر پاک انٹرنیشنل بزنس فورم، فہیم الرحمن سہگل صدر لاہور چیمبر، سینئر نائب صدر لاہور چیمبر آف کامرس اینڈ انڈسٹریز خالد عثمان، سہیل عزیز، عاصم سنجرانی، شیخ تنویر احمد تے پاک بزنس فورم دے سیکرٹری اعجاز تنویر نے بھی اظہارِ خیال کیتا۔ حافظ نعیم الرحمٰن نے کہا کہ میرا برانڈ پاکستان دی نسبت ہن پاکستان دے یومِ آزادی نال بن چکی، گزشتہ سال اک ہال وچ اس نمائش دا انعقاد کیتا سی جبکہ اس واری ایکسپو سینٹر وچ ہر پاسے میرا برانڈ پاکستان دے سٹالز سجے نے، پاکستانی مصنوعات معیار دے اعتبار نال کسی توں گھٹ نہیں تاہم صنعتوں نوں حکومتی سطح تے سہولیات فراہم کرنا ہوویں گی، حکومتی نظام تے پالیسیاں دے نتیجے وچ پیدا مسائل ختم کرن دی ضرورت اے، حکومت نوں بجلی تے پٹرول دیاں قیمتاں سمیت صنعتوں دے بنیادی مسائل تے توجہ دینی ہووے گی۔
امیر جماعت اسلامی نے کہا کہ میرا برانڈ پاکستان مکمل طور تے پاکستان دا برانڈ اے تے اس دا مقصد پاکستانی مصنوعات نوں ملک دے نال نال دنیا بھر وچ متعارف کراؤنا تے برآمدات وچ اضافہ کرنا اے، میرا برانڈ پاکستان دی نمائش نومبر وچ اسلام آباد وچ بھی منعقد کیتی جاوے گی جبکہ اس نوں ترکی، بنگلہ دیش تے دوجے مسلم ملکاں تک لے جان دا منصوبہ اے۔ حافظ نعیم الرحمن نے نوجوانوں نوں پاکستان دی اصل طاقت قرار دیندے ہوئے کہا کہ نوجوانوں نوں مایوس کرن دے بجائے انہاں نوں تعلیم، ہنر تے روزگار دے مواقع فراہم کرنے ہوویں گے، نوجوانوں نوں چھوٹے کاروبار ول متوجہ ہون تے مثبت سرگرمیاں وچ حصہ لین دی ضرورت اے، جماعت اسلامی پہلے ہی بنو قابل دے نام نال منصوبے تے کام کر رہی اے تے اس وچ 17 لکھ نوجوان رجسٹرڈ ہو چکے، ہن نوجوانوں نوں مختلف ہنر سکھاؤن تے بھی توجہ دتی جا رہی اے، جنریشن زی وچ کروڑاں دی تعداد وچ موجود نوجوان نسل پاکستان دی سب توں بڑی طاقت اے، انہاں دے مسائل لئی موثر آواز اٹھانی ہووے گی۔ حافظ نعیم الرحمن نے کہا کہ اگر بجلی تے پٹرول انتہائی مہنگا ہو جاوے گا تو پاکستانی مصنوعات عالمی منڈی وچ کس طرح آگے ودھ سکن گی، حکومت نے آئی پی پیز دے نال ایسے معاہدے کیتے جنہاں دا بوجھ عوام تے صنعتوں تے پے رہا اے، حکومت نے اک سال وچ 1900 ارب روپے صرف لیوی دی مد وچ وصول کیتے، حکومت پٹرولیم لیوی دا ایہ اضافی بوجھ ختم کرے۔
