پاکستان تے ناروے دا انسدادِ دہشت گردی، غیر قانونی امیگریشن روکن وچ تعاون تے اتفاق

اسلام آباد پاکستان دے دورے تے آئے ناروے دے وزیر خارجہ نے وزیر داخلہ محسن نقوی نال ملاقات کیتی، ملاقات وچ انسدادِ دہشت گردی، غیر قانونی امیگریشن روکن، پولیس ٹریننگ تے قانونی معاونت تے تعاون ودھان تے اتفاق کیتا گیا۔

محسن نقوی نے ملاقات وچ افغانستان دی صورتحال تے اوتھے موجود کالعدم تنظیماں دیاں سرگرمیاں دے حوالے نال بھی آگاہ کیتا، ناروے دے وزیر خارجہ نے امریکا ایران کشیدگی وچ کمی لئی پاکستان دے تعمیری تے فعال کردار نوں سراہیا۔ وزیر داخلہ نے کہا کہ پاکستان دے موثر اقدامات نال یورپ وچ غیر قانونی امیگریشن وچ 47 فیصد کمی آئی، غیر قانونی امیگریشن دے خلاف زیرو ٹالرنس پالیسی اختیار کیتی اے جیہنوں یورپی یونین نے بھی سراہیا۔ انہاں کہا کہ غیر قانونی امیگریشن دے موثر سدباب لئی قانونی امیگریشن نوں فروغ دینا انتہائی اہم اے، محسن نقوی نے کہا کہ افغانستان دی سرزمین پاکستان وچ دہشت گردی لئی مسلسل استعمال ہو رہی اے، پاکستان دنیا تے دہشت گردی دے درمیان دیوار بن کے کھلوتا اے، دہشت گردی دے مکمل سدباب لئی سبھ نوں مل کے کام کرنا ہوئے گا۔