پاکستان کھپے، بلاول بھٹو زرداری دا یومِ آزادی تے ویڈیو پیغام جاری

اسلام آباد پاکستان پیپلز پارٹی دے چیئرمین بلاول بھٹو زرداری نے وطنِ عزیز پاکستان دے 79 ویں یومِ آزادی دے موقعے تے ویڈیو پیغام جاری کیتا اے جس وچ انہاں نے کہا اے کہ پاکستان نوں آزاد ہوئے 79 سال ہو گئے۔

صرف 21 سال بعد اسیں اپنی آزادی دی سنچری مناواں گے، آزادی صرف سرزمین حاصل کرن دا نام نہیں سی، ایہہ پاکستان دے لوکاں نال، انہاں علاقیاں تے ریاستاں نال حقوق دا وعدہ سی جنہاں نے پاکستان نال جڑن دا فیصلہ کیتا۔ چیئرمین پیپلز پارٹی نے مزید کہا کہ اسیں اس وعدے نوں اپنے آئین وچ لکھیا، اسیں ایہنوں بار بار دہرانے آں پر ہمیشہ نبھانے نہیں۔ بلاول بھٹو زرداری نے کہا کہ 2047 تک ساڈی نسل دا کام اے اس آئینی وعدے نوں ہر گھر تک پہنچائے تاکہ محنت دی کمائی نال گھر چل سکے، نوجواناں نوں عزت دا روزگار ملے، ہر ووٹ دا احترام ہوئے تے ہر علاقے نوں پاکستان دی ترقی وچ اپنا حصہ ملے۔ بلاول بھٹو زرداری نے اپنے پیغام دے اختتام تے کہا کہ آزادی ہر گھر تک، جشنِ آزادی مبارک، پاکستان کھپے، پاکستان پائندہ باد۔