جشنِ آزادی تے نادرا دا تحفہ، کیو آر کوڈ والا نواں شناختی کارڈ متعارف

کیو آر کوڈ دے ذریعے شناختی کارڈ دی تصدیق عام سمارٹ فون توں وی ممکن ہووے گی، شناختی دستاویزاں دی تصدیق مزید آسان، تیز تے مؤثر بنان وچ مدد ملے گی: نادرا

اسلام آباد جشنِ آزادی تے نادرا دا عوام لئی وڈا تحفہ، کیو آر کوڈ والا نواں شناختی کارڈ متعارف کرا دتا۔ پاکستان دے جشنِ آزادی دے موقعے تے نادرا نے عوام لئی وڈی سہولت متعارف کرا دتی، نادرا نے پاکستان وچ تیار کیتا گیا کیو آر کوڈ تے مبنی نواں قومی شناختی کارڈ متعارف کرایا اے۔ خود انحصاری دی پاسے اہم قدم دے طور تے متعارف کرائے گئے نویں شناختی کارڈ وچ چِپ استعمال نہیں کیتی گئی، جبکہ کیو آر کوڈ دے ذریعے شناختی کارڈ دی تصدیق عام سمارٹ فون توں وی ممکن ہووے گی۔

نادرا مطابق پاک آئی ڈی موبائل ایپ دے ذریعے نویں شناختی کارڈ تے موجود کیو آر کوڈ سکین کر کے شناخت دی تصدیق کیتی جا سکے گی۔ نویں شناختی کارڈ دے کیو آر کوڈ وچ کارڈ ہولڈر دی متعلقہ شناختی معلومات تے تصویر موجود ہووے گی، جبکہ کیو آر کوڈ دے ذریعے ناں، پتہ تے دوجی شناختی معلومات دے ڈیٹا اندراج وچ غلطیاں وچ وی کمی لے اون وچ مدد ملے گی۔ نادرا دا کہنا اے کہ نویں نظام توں شناختی دستاویزاں دی تصدیق مزید آسان، تیز تے مؤثر بنان وچ مدد ملے گی۔