کوہاٹ، گھر اُتے بارودی گولہ ڈگن نال اِک خاندان دے ۶ افراد زخمی
کوہاٹ (این این آئی) قبائلی ضلع کرم دے پہاڑی علاقے سرہ غوڑگہ وِچ اِک گھر اُتے مبینہ طور اُتے بارودی گولہ ڈگن دے نتیجے وِچ اِک ای خاندان دے چھ افراد زخمی ہو گئے۔
پولیس دے مطابق زخمیاں نوں مقامی لوکاں نے اپنی مدد آپ دے تحت فوری طبی امداد لئی بی ایچ یو مندوری منتقل کیتا۔ زخمیاں وِچ ۴ زنانیاں، اِک بچی تے اِک مرد شامل نے۔ زخمیاں دی شناخت ایاز، اوہدی گھر والی گل، ماں، بھابی تے دو بھتیجیاں یسرہ تے ثنا دے نام توں ہوئی اے۔ مقامی قومی مشر ملک حاجی کریم نے کہیا کہ پچھلی شام سرہ غوڑگہ دے علاقے وِچ اِک گھر اُتے ڈرون حملہ ہویا جِس دے نتیجے وِچ زنانیاں تے بچیاں سمیت کئی افراد زخمی ہو گئے، بعد وِچ شدید زخمی ایاز نوں پشاور منتقل کر دتا گیا۔
