کوئٹہ: آئی ای ڈی دھماکا، ۲ بندے جاں بحق، ۴ زخمی
واقعہ ہنہ اوڑک ولی تنگی روڈ اُتے پیش آیا، زخمی قریبی ہسپتال منتقل
کوئٹہ (مانیٹرنگ ڈیسک) کوئٹہ وِچ آئی ای ڈی دھماکے وِچ ۲ بندے جاں بحق، ۴ زخمی ہو گئے۔ دَسیا گیا اے کہ کوئٹہ دے علاقے ہنہ اوڑک ولی تنگی روڈ اُتے نامعلوم افراد ولوں نصب آئی ای ڈی دھماکے وِچ ۲ بندے جاں بحق جبکہ ۴ زخمی ہو گئے، مرن والیاں وِچ کلی سملی کوئٹہ دا رہائشی رضوان خان وی شامل اے۔
اطلاع ملن اُتے سکیورٹی تے ریسکیو ٹیماں نے موقعے اُتے پہنچ کے زخمیاں نوں قریبی ہسپتال منتقل کر دتا جبکہ بلوچستان پولیس نے قانونی کارروائی شروع کر دتی۔
