وزیراعظم دا بابر اعظم نوں نمبر 4تے بیٹنگ دا مشورہ

لہور: وزیراعظم عمران خان نے بابر اعظم نوں نمبر 4تے بیٹنگ دا مشورہ دے دتا۔ سابق کپتان وسیم اکرم دا کہنا اے برسبین ٹیسٹ دے دوران وزیراعظم تے پی سی بی دے پیٹرن چیف نے مینوں میسج کیتا کہ میاں ایہناں ولوں نیک تمناواں دا اظہار بابر اعظم تک اپڑاواں، وسیم اکرم نے سماجی رابطے دی ویب سائٹ دا سہارا لیندیاں دسیا عمران خان دا اپنے پیغام وچ کہنا سی بابر اعظم شاندار تکنیک رکھن والے چنگے بیٹسمین نیں، اوہناں نوں نمبر 4تے بیٹنگ کرنی چاہیدی اے۔ واضح رہوے بابر اعظم نے برسبین ٹیسٹ وچ محفوظ آسٹریلوی بولنگ اٹیک دے ساہمنے بھرپور مزاحمت کردیاں مشکل ویلے وچ شاندار سنچری بنائی سی، ایہدے باوجود پاکستان ٹیم اننگز تے پنج دوڑاں دی ہار توں نہ بچ سکی، سیریز دا دوجا تے آخرتی ٹیسٹ نومبر نوں ایڈیلیڈ وچ شروع ہووے گا۔

اپنا تبصرہ گھلو