ڈپٹی چیئرمین سینیٹ دا انڈونیشیا وِچ زلزلے نال انسانی جاں دے ضیاع اُتے اظہارِ رنج تے غم
اسلام آباد (اپنے رپورٹر توں) ڈپٹی چیئرمین سینیٹ سیدال خان ناصر نے انڈونیشیا دے جزیرے فلوریس وِچ آؤن والے شدید زلزلے پاروں قیمتی انسانی جاں دے ضیاع تے متعدد بندیاں دے زخمی ہون اُتے ڈونگھے رنج تے غم دا اظہار کردے ہوئے کہیا کہ ایس سانحے اُتے پوری پاکستانی قوم انڈونیشیا دے غمزدہ لوکاں دے دُکھ وِچ برابر دی شریک اے۔
اوہناں نے دعا کیتی کہ اللہ تعالیٰ مرحومین نوں جوارِ رحمت وِچ تھاں عطا فرمائے تے پسماندگاں نوں ایہ صدمہ برداشت کرن دی ہمت دیوے۔
