4 کروڑ 32 لکھ دے کوکین کیپسول برآمد، ملزم گرفتار، سعودی عرب وچ وی منشیات سمگلنگ وچ ملوث نکلیا،
لاہور (خبر نگار): پنجاب کاؤنٹر نارکوٹکس فورس نے بھاری مقدار وچ کوکین دی ترسیل ناکام بݨا ݙتی ہے،
راولپنڈی وچ فتح جنگ-ترنول انٹرچینج اتے مشکوک کار دی تلاشی دے دوران 108 کوکین کیپسول برآمد کر کے شاہد اللہ خان کوں گرفتار کر گھدا ڳیا ہے، ترجمان پنجاب کاؤنٹر نارکوٹکس فورس دے مطابق گاڑی اتے کوکین قبضے وچ گھن گھدی ڳئی ہے، برآمد شدہ کوکین دی مالیت دا تخمینہ 4 کروڑ 32 لکھ روپے لڳایا ڳیا ہے، ابتدائی تفتیش دے دوران انکشاف تھیا ہے جو ملزم مبینہ طور پر سعودی عرب وچ وی منشیات دی سمگلنگ وچ ملوث ہے۔
