اسلام آباد (دنیا نیوز): پیپلز پارٹی نے آزاد کشمیر الیکشن اتے نویں صوبیاں دا معاملے پارلیمنٹ وچ اٹھاوݨ دا فیصلہ کر گھدا ہے،

اسلام آباد پاکستان پیپلز پارٹی نے آزاد کشمیر انتخابات اتے نویں صوبیاں دے معاملے اتے اپݨا مؤقف پارلیمان وچ بھرپور انداز وچ پیش کرݨ دا فیصلہ کر گھدا ہے،

ذرائع دے مطابق چیئرمین پیپلز پارٹی بلاول بھٹو زرداری آؤݨ آلے ݙو ݙیہاڑیاں دے دوران قومی اسمبلی توں خطاب کر سڳدے نیں، جیندے وچ اوہ آزاد کشمیر انتخابات نال متعلق پارٹی دے تحفظات اتے مبینہ دھاندلی دے معاملے اتے ڳالھ مہاد کریسن،

ذرائع دا آکھݨ ہے جو بلاول بھٹو زرداری آزاد کشمیر انتخابات دے حوالے نال وفاقی حکومت دے نال تھیوݨ آلے مذاکرات اتے آؤݨ آلے وقت دے لائحہ عمل اتے وی ایوان کوں اعتماد وچ گھنیسن،

ذرائع دے مطابق نویں صوبیاں دے معاملے اتے وی پیپلز پارٹی قومی اسمبلی وچ اپݨا نکتہ نظر پیش کریسی، پارٹی دے پارلیمنٹیرینز ایوان وچ نویں صوبیاں دے قیام نال متعلق اظہار خیال کریسن اتے پارٹی دا مؤقف سامݨے گھن آسن،

ذرائع دا آکھݨ ہے جو بلاول بھٹو زرداری اپݨے خطاب وچ آزاد کشمیر انتخابات، پارٹی دے تحفظات، وفاقی حکومت نال مذاکرات اتے نویں صوبیاں دے معاملے اتے تفصیلی اظہار خیال کر سڳدے نیں۔