پنجاب وچ بلدیاتی انتخابات دیاں تیاریاں مکمل، پولنگ ڈے دا فیصلہ 20 اگست کوں متوقع،
اسلام آباد پنجاب وچ بلدیاتی انتخابات دے انعقاد دیاں تیاریاں آخری مرحلے وچ داخل تھی چکیا ہن،
الیکشن کمیشن آف پاکستان نے پولنگ دی تاریخ طے کرݨ کیتے پنجاب حکومت کوں سݙ گھدا ہے،
ذرائع دے مطابق پنجاب وچ بلدیاتی انتخابات دی تاریخ دے حوالے نال اہم فیصلہ 20 اگست کوں تھیوݨ آلے اجلاس وچ کیتا ویسی،
پنجاب وچ بلدیاتی انتخابات کیتے حلقہ بندیاں سمیت ٻئے ضروری انتظامات مکمل کر گھدے ڳئے نیں، جݙاں جو پولنگ دی تاریخ طے تھیوݨ دے بعد انتخابی عمل دا باقاعدہ شیڈول وی سامݨے آوݨ دا امکان ہے۔
الیکشن کمیشن اتے پنجاب حکومت دے وچکار اجلاس کوں بلدیاتی انتخابات دے حوالے نال اہم پیشرفت قرار ݙتا ویندا پیا ہے۔
