پاکستان، برطانیہ دے قانونی اداریاں وچ تعاون ضروری: چیف جسٹس

ججاں تے وکلا دی پیشہ ورانہ تربیت، قانونی تعلیم، استعداد کار نوں مزید بہتر بنایا جا سکدا اے

اسلام آباد (اے پی پی) چیف جسٹس پاکستان یحییٰ آفریدی نے کہا اے کہ پاکستان تے برطانیہ دے عدالتی و قانونی اداریاں درمیان تعاون ضروری اے، ایس نال ججاں تے وکلا دی پیشہ ورانہ تربیت، قانونی تعلیم تے استعداد کار نوں مزید بہتر بنایا جا سکدا اے، انہاں نے ایہ گل انگلینڈ اینڈ ویلز ہائی کورٹ دے کنگز بینچ ڈویژن دے جج جسٹس مارٹن گریفتھس نال ملاقات دوران کہی جو پاکستان دے دورے تے نے۔ پاکستان تے برطانیہ درمیان عدالتی تربیت، پیشہ ورانہ ترقی تے استعداد کار ودھان دے شعبیاں وچ ادارہ جاتی تعاون دے فروغ تے تبادلہ خیال کیتا گیا۔ ججاں دی تربیت تے عدالتی تعلیم، وکلا دی تربیت، قانونی تعلیم تے پیشہ ورانہ ترقی وچ تعاون دے امکانات تے غور کیتا گیا۔