ٹیکنالوجی دا موثر استعمال نظامِ انصاف لئی ضروری اے: چیف جسٹس وفاقی شرعی عدالت
اسلام آباد (اے پی پی) چیف جسٹس وفاقی شرعی عدالت جسٹس ڈاکٹر سید محمد انور نے کہا اے کہ ٹیکنالوجی دا موثر استعمال اک ایہوجہے خودکار، موثر تے فوری ردِعمل دین والے نظامِ انصاف ول منتقلی لئی ضروری اے… جو وکلا، سائلین تے عام شہریاں دیاں ضرورتاں پوریاں کر سکے۔ انہاں نے ایہناں خیالات دا اظہار وفاقی شرعی عدالت دی پرنسپل سیٹ اسلام آباد وچ نویں قائم کیتی گئی ای-لائبریری دے افتتاح دے موقعے تے کیتا۔ ای-لائبریری وچ وفاقی شرعی عدالت، پاکستان لا سائٹ، برٹش کونسل لائبریری تے فقہ اکیڈمی جدہ تک رسائی لئی لاگ ان دی سہولت فراہم کیتی گئی اے۔
