بابر سواتی دی ایاز صادق، گیلانی نال ملاقات، پارلیمانی تعاون تے اتفاق

اسلام آباد (اپنے رپورٹر توں، نامہ نگار) سپیکر خیبر پختونخوا اسمبلی بابر سلیم سواتی نے چیئرمین سینیٹ سید یوسف رضا گیلانی تے سپیکر قومی اسمبلی سردار ایاز صادق نال ملاقات کیتی، جس وچ پارلیمانی تعاون مضبوط بنان تے اتفاق کیتا گیا۔

چیئرمین سینیٹ نے پارلیمان تے صوبائی اسمبلیاں دے درمیان مؤثر تے مضبوط رابطہ کاری دی ضرورت تے زور دیندے ہوئے کہا کہ قومی و صوبائی نوعیت دے مسائل نوں بات چیت، باہمی مشاورت تے اتفاقِ رائے دے ذریعے حل کیتا جانا چاہیدا اے۔ اوہناں نے کہا کہ سیاسی استحکام، جمہوری تسلسل تے آئینی اصولاں دا احترام وفاق نوں مضبوط بنان تے ملک بھر وچ متوازن ترقی یقینی بنان لئی ناگزیر نے۔ سپیکر قومی اسمبلی نے پارلیمانی اداریاں دے درمیان باہمی رابطیاں تے تجربیاں دے تبادلے دی اہمیت تے زور دیندے ہوئے کہا کہ مضبوط پارلیمانی ادارے ہی جمہوریت دے استحکام دی ضمانت نے۔ اوہناں نے کہا کہ تمام قانون ساز اداریاں دے درمیان باہمی مشاورت تے تجربیاں دا تبادلہ ضروری اے۔ بعد وچ سردار ایاز صادق نال سپیکر گلگت بلتستان اسمبلی عمران ندیم نے وی ملاقات کیتی۔ علاوہ ازیں سابق وزیرِ مملکت پیر محمد امین الحسنات شاہ نے چیئرمین سینیٹ سید یوسف رضا گیلانی نال اوہناں دی رہائش گاہ تے ملاقات کیتی جس وچ ملک دی مجموعی سیاسی، سماجی تے مذہبی صورتِ حال تے تبادلہِ خیال کیتا گیا۔