سینیٹ ذیلی کمیٹی دی 18ویں آئینی ترمیم تے فوری عملدرآمد دی ہدایت
وفاقی حکومت اخراجات وچ نمایاں کمی، صوبیاں نوں اختیارات دی منتقلی یقینی بنائے
اسلام آباد (سید قیصر شاہ) سینیٹ دی قائمہ کمیٹی برائے تفویضِ اختیارات دی ذیلی کمیٹی نے 18ویں آئینی ترمیم تے فوری تے مکمل عملدرآمد، صوبیاں نوں اختیارات دی حقیقی منتقلی تے وفاقی حکومت دے حجم تے اخراجات وچ نمایاں کمی دی ہدایت کردے ہوئے کہا اے کہ صوبائی تے مشترکہ مفادات کونسل (سی سی آئی) دے دائرہِ اختیار دے معاملات وفاقی کابینہ وچ زیرِ بحث لیانا آئین دی خلاف ورزی اے۔ کمیٹی نے وفاقی حکومت نوں اپنے رولز آف بزنس وچ ضروری ترامیم کرکے 15 روز وچ رپورٹ پیش کرن دی ہدایت کر دتی۔ سینیٹر بیرسٹر ضمیر حسین گھمرو دی زیرِ صدارت سینیٹ دی ذیلی کمیٹی دا اجلاس پارلیمنٹ ہاؤس وچ ہویا۔
