قومی اسمبلی: اقبال چنڑ نوں خراجِ عقیدت، فاتحہ خوانی، اجلاس ملتوی

اسلام آباد (نامہ نگار، سٹاف رپورٹر) قومی اسمبلی دے اجلاس وچ مسلم لیگ (ن) دے رکنِ قومی اسمبلی ملک اقبال چنڑ مرحوم لئی فاتحہ خوانی کیتی گئی تے اوہناں دے اہلخانہ نال اظہارِ تعزیت کیتا گیا۔

ایس موقعے تے سپیکر قومی اسمبلی نے ملک اقبال چنڑ نوں خراجِ عقیدت پیش کردے ہوئے کہا کہ اوہناں نے اپنی سیاسی جدوجہد دا آغاز 1985 وچ کیتا تے اوہ ایک انتہائی اچھے انسان سن۔ اوہناں دی سیاسی و سماجی خدمات نوں ہمیشہ یاد رکھیا جاوے گا۔ رکنِ قومی اسمبلی ریاض حسین پیرزادہ نے کہا کہ ملک اقبال چنڑ ہمیشہ مسلم لیگ (ن) دے نال مضبوطی نال کھڑے رہے۔ اوہ سرائیکی وسیب دی بھرپور نمائندگی کردے سن۔ ساڈی خواہش اے کہ اوہناں دی وفات توں بعد پارٹی ٹکٹ اوہناں دے صاحبزادے نوں ہی دتا جاوے ملکہ عامر ڈوگر نے کہا کہ ملک اقبال چنڑ دا تعلق جنوبی پنجاب توں سی تے ساڈے نال اوہناں دے دیرینہ تے اچھے تعلقات سن۔ اوہ ہمیشہ پارٹی دے نال کھڑے رہے۔ اوہ صوبائی وزیرِ جیل خانہ جات وی رہے جبکہ اج اوہناں دے صاحبزادے پنجاب اسمبلی دے ڈپٹی سپیکر دے منصب تے فائز نے۔ اوہناں نے مرحوم دی خدمات نوں خراجِ تحسین پیش کردے ہوئے لواحقین لئی صبرِ جمیل دی دعا کیتی۔

رکنِ قومی اسمبلی نثار جٹ نے کہا کہ ملک اقبال چنڑ انتہائی اچھی شخصیت دے مالک سن۔ اوہناں دی وفات بہاولپور لئی ایک بہت بڑا خلا اے جو شاید آسانی نال پُر نہ ہو سکے۔ مولانا عبدالغفور حیدری نے وی ملک اقبال چنڑ نوں اچھا انسان قرار دیندے ہوئے اوہناں لئی دعائے مغفرت کیتی۔ قومی اسمبلی دے اجلاس وچ مرحومین دے درجات دی بلندی تے لواحقین لئی صبرِ جمیل دی دعا کیتی گئی۔ بعد وچ قومی اسمبلی دا اجلاس اج دوپہر 2 بجے تک ملتوی کر دتا گیا۔ پہلے سپیکر ایاز صادق دی زیرِ صدارت ہاؤس بزنس ایڈوائزری کمیٹی دا اجلاس ہویا جس وچ موجودہ اجلاس نوں 28 اگست تک جاری رکھن دا فیصلہ کیتا گیا۔ قومی اسمبلی دے 29ویں اجلاس وچ وقفہِ سوالات، قانون سازی تے قومی اہمیت دے حامل مختلف امور زیرِ بحث لائے جان گے۔