ہائیکورٹ: پی ٹی آئی دے 29 کارکناں دی نظر بندی خلاف درخواست نمٹا دتی

لاہور (کورٹ رپورٹر) لاہور ہائیکورٹ نے تحریک انصاف دے 29 کارکناں دی 30 روزہ نظر بندی دے خلاف درخواست نمٹا دتی۔

تفصیلاں دے مطابق لاہور ہائیکورٹ دے جسٹس صادق محمود خرم نے پی ٹی آئی خوشاب دے کارکناں دی نظربندی خلاف دائر درخواست تے سماعت کیتی۔ عدالت وچ خوشاب دے ڈپٹی کمشنر تے ڈی پی او ولوں رپورلاں جمع کروا دتیاں گئیاں۔ پی ٹی آئی کارکناں دے وکیل نے موقف اختیار کیتا کہ تحریک انصاف نے پنج اگست نوں احتجاج دا اعلان کیتا سی، ایک دن پہلاں ہی ڈپٹی کمشنر خوشاب دے غیر قانونی احکاماں تے 29 کارکناں نوں پھڑ کے 30 دناں لئی نظربند کر دتا گیا۔ سرکاری وکیل نے عدالت نوں بتایا کہ نظر بندی دے احکام واپس لے کے اونہاں نوں رہا کر دتا گیا سی۔ سرکاری وکیل دی رپورٹ تے عدالت نے درخواست تے کارروائی نمٹا دتی۔