امریکی یونیورسٹیاں وچ ایم فل تے پی ایچ ڈی لئی پروگرام جاری

ایچ ای سی نے درخواستاں دی وصولی لئی وفاقی وزارتاں نوں مراسلہ بھجوا دتا

اسلام آباد (نیوزرپورٹر) ایچ ای سی نے یو ایس پاکستان نالج کوریڈور دے تحت امریکہ دیاں یونیورسٹیاں وچ ایم فل تے پی ایچ ڈی دی تعلیم حاصل کرن لئی پروگرام جاری کر دتا اے، ہائیر ایجوکیشن کمیشن نے وفاقی وزارتاں، ڈویژناں تے محکمیاں نوں مراسلہ بھجوایا اے جس وچ منصوبے دے تحت درخواستاں طلب کیتیاں گیاں نے۔ سکالرشپ پروگرام دے مطابق طلبہ نوں دنیا دی کیو ایس رینکنگ وچ شامل سو امریکی یونیورسٹیاں وچ پی ایچ ڈی دی تعلیم لئی بھجوایا جاوے گا۔ اس حوالے نال سپرنگ یا سمر 2027 تے ‘فال 2027’ دے تعلیمی سیشناں لئی آن لائن درخواستاں دی وصولی دا عمل شروع ہو چکا اے، تمام امیدواراں نوں ہدایت کیتی گئی اے کہ وہ ایچ ای سی دے پورٹل تے جا کے اپنی درخواستاں جمع کروان۔