پاکستان تے چین وچکار سپورٹس فٹ ویئر تعاون دا معاہدہ طے پا گیا
فارورڈ سپورٹس تے ژونگ زی ہواشین گروپ وچکار معاہدے تے دستخط
اسلام آباد (مانیٹرنگ ڈیسک) پاک چین صنعتی تعاون نال سپورٹس فٹ ویئر شعبے وچ نئی پیش رفت سامنے آئی اے۔ اسی سلسلے وچ ایس آئی ایف سی دی سہولت کاری نال پاکستان چین سپورٹس فٹ ویئر تعاون دے معاہدے تے دستخط کیتے گئے نے، ایہ معاہدہ پاکستان دی معروف کمپنی فارورڈ سپورٹس تے چین دے ژونگ زی ہواشین گروپ وچکار طے پایا اے۔ معاہدے دے تحت پاکستانی مینوفیکچرنگ صلاحیت تے چینی سرمایہ کاری و تجربے دے امتزاج نال صنعتی ترقی نوں فروغ ملے گا، اس معاہدے نال ٹیکنالوجی دی منتقلی، روزگار دے مواقع تے پاکستان دی سپورٹس مصنوعات دی عالمی مارکیٹ تک رسائی وچ اضافہ متوقع اے۔
