5 افسر تبدیل، مظہر جاوید ڈپٹی سیکرٹری پاور ڈویژن تعینات
اسلام آباد (نیوز رپورٹر) اسٹیبلشمنٹ ڈویژن نے پنج افسراں دے تبادلے تے تقرریاں دے احکامات جاری کر دتے۔
اسٹیبلشمنٹ ڈویژن دے احکامات دے مطابق گریڈ 20 دے افسر حسن اسد علوی، جو حکومت بلوچستان وچ تعینات سی، نوں تبدیل کر کے نیشنل پولیس اکیڈمی وچ تعینات کر دتا گیا۔ اسلام آباد کیپٹل پولیس وچ تعینات سکواڈرن لیڈر (ریٹائرڈ) عبدالحق عمرانی دیاں خدمات حکومت بلوچستان دے سپرد کر دتیاں گئیاں۔ بلوچستان وچ تعینات افسر شہزادہ عمر عباس بابر نوں وزارت داخلہ و انسداد منشیات ڈویژن دے ماتحت اسلام آباد کیپٹل پولیس وچ تعینات کر دتا گیا۔ گریڈ 18 دے افسر اویس علی خان نوں اسلام آباد کیپٹل پولیس توں تبدیل کر کے بلوچستان تعینات کر دتا گیا اے۔ دریں اثنا اسٹیبلشمنٹ ڈویژن نے سیکرٹریٹ گروپ دے گریڈ 19 دے افسر مظہر جاوید نوں پاور ڈویژن وچ ڈپٹی سیکرٹری تعینات کر دتا۔
