پہلے آؤ پہلے پاؤ دی بنیاد تے حج درخواستاں دی اج توں وصولی

اسلام آباد (سید قیصر شاہ) حج 2027 لئی درخواستاں اج 18 اگست توں پہلے آؤ پہلے پاؤ دی بنیاد تے وصول کیتیاں جاویں گی تے سرکاری سکیم دے تحت مقررہ کوٹہ مکمل ہوندے ہی درخواستاں دی وصولی بند کر دتی جاوے گی، عازمین درخواستاں تے حج اخراجات آن لائن یا متعلقہ بینک برانچاں وچ جمع کرا سکیں گے۔

حج پالیسی دے تحت صرف پہلے توں رجسٹرڈ عازمین ہی سرکاری حج سکیم لئی درخواست دین دے اہل ہون گے، سرکاری سکیم دے تحت حج اخراجات دو برابر قسطاں وچ وصول کیتے جاویں گے۔ حج 2027 لئی پاکستان دا مجموعی حج کوٹہ اک لکھ 79 ہزار 210 مقرر کیتا گیا اے، جس وچ سرکاری حج سکیم لئی اک لکھ 7 ہزار 526 جبکہ نجی حج سکیم لئی 71 ہزار 684 عازمین دا کوٹہ مختص اے۔ نجی حج سکیم دے تحت جان والے عازمین نوں وی مقررہ قواعد و ضوابط تے منظور شدہ حج پیکیجاں دے مطابق سہولتاں فراہم کیتیاں جاویں گی۔ عازمین نوں ہدایت کیتی گئی اے کہ وہ حج درخواست جمع کران توں پہلے تمام ضروری دستاویزات، ادائیگی تے دوجے تقاضے مکمل کرن تاکہ درخواست مسترد ہون یا کارروائی وچ تاخیر توں بچیا جا سکے۔