مجوزہ این 5 دے ماحولیاتی تحفظ لئی 11 کروڑ دا کنسلٹنسی منصوبہ منظور
منصوبے لئی این ایچ اے نوں رقم ایشیائی انفراسٹرکچر انویسٹمنٹ بینک فراہم کرے گا
اسلام آباد (ایس ایم زمان) نیشنل ہائی وے اتھارٹی نے ایشیائی انفراسٹرکچر انویسٹمنٹ بینک دے تعاون نال این-5 ہائی وے دی تعمیرِ نو لئی ماحولیاتی اثرات و تبدیلی دا جائزہ لین لئی 11 کروڑ روپے توں زائد دے کنسلٹنسی منصوبے دی منظوری دے دتی۔ دستاویز دے مطابق ایہ کنسلٹنسی خدمات ایم ایس نری انٹرنیشنل لمیٹڈ نوں ایم/ایس یوڈی تیانچینگ پلاننگ اینڈ ڈیزائن (بیجنگ) کمپنی لمیٹڈ دے نال مشترکہ منصوبے تے ایم/ایس سسٹمز انجینئرنگ ایسوسی ایٹ نوں ذیلی کنسلٹنٹ دے طور تے شامل کردے ہوئے فراہم کیتیاں جان گیئاں۔ منظور شدہ کنسلٹنسی دی مجموعی لاگت 394291 امریکی ڈالر دے مساوی اے۔
