سنرجیکو نے امریکی خام تیل دی خریداری ودھا دتی

کراچی، اسلام آباد (رائٹرز) پاکستان دی سب توں وڈی آئل ریفائنری سنرجیکو (Cnergyico) نے امریکہ توں خام تیل دی خریداری وچ نمایاں اضافہ کر دتا اے۔

یہ اقدام ایک ایسے وقت وچ سامنے آیا اے جدوں خطے دی کشیدگی تے آبنائے ہرمز دا بحران ودھیا اے جس دی وجہ توں خلیجی ملکاں توں تیل دی فراہمی وچ مشکلات پیدا ہوئیاں نے تے پاکستان اپنے انرجی روٹس وچ تنوع لانا چاہندا اے۔ سنرجیکو دے وائس چیئرمین اسامہ قریشی دے مطابق کمپنی نے گزشتہ نو ماہ دے دوران امریکہ توں تقریباً 81 لاکھ بیرل خام تیل درآمد کیتا۔ کمپنی دا کہنا اے کہ اگر حکومت دی طرفوں مجوزہ ایکسِم بینک (EXIM Bank) دی تجارتی مالیاتی سہولت فراہم کیتی جاندی اے تے امریکہ توں خام تیل دی درآمدات وچ مزید اضافہ کیتا جا سکدا اے۔ سنرجیکو کراچی دے ساحل دے قریب اپنے موجودہ آف شور سنگل پوائنٹ مورنگ ٹرمینل دے علاوہ ایک اور ٹرمینل قائم کرن تے غور کر رہی اے تاکہ وڈے آئل ٹینکرز دے ذریعے خام تیل دی نقل و حمل آسان ہو سکے تے مال برداری دے اخراجات وچ 25 توں 30 فیصد تک کمی لائی جا سکے۔