نویں صوبیاں دے معاملے تے بحث کراں گے۔
اسلام آباد (مانیٹرنگ ڈیسک): وزیر مملکت برائے خزانہ بلال اظہر کیانی نے نویں صوبیاں دے معاملے تے پارلیمنٹ وچ بحث کرن دا اشارہ دے دتا۔
میڈیا نال گل بات کردے ہوئے بلال اظہر کیانی نے آکھیا اے کہ صوبیاں دے معاملے تے پارلیمنٹ وچ بحث توں بعد اتفاقِ رائے نال حل کڈھنا چاہیدا اے، بحث توں جو وی بہتر حل ساہمݨے آوے اوہنویں کھلے دل نال ویکھنا چاہیدا اے، نویں صوبیاں دے قیام دا بنیادی مقصد گورننس بہتر بنانا تے لوکاں نوں سروس ڈیلیوری وچ بہتری دینا اے۔ اوہناں نے مزید آکھیا کہ صحت، تعلیم تے دوجیاں سہولتاں دی فراہمی بہتر بناوݨ لئی سارے ممکنہ راہواں دا جائزہ لینا چاہیدا اے۔
