دوہرا معیار بے نقاب۔

کراچی (سٹاف رپورٹر): پاکستان تحریکِ انصاف سندھ دے صدر حلیم عادل شیخ نے اڈیالہ جیل ولوں چیئرمین پی ٹی آئی دی صحت بارے سپریم کورٹ وچ جمع کروائی گئی رپورٹ تے ردِعمل دیندے ہوئے آکھیا اے کہ جیل انتظامیہ دی رپورٹ نے دوہرے معیار نوں بے نقاب کر دتا اے۔

حلیم عادل شیخ نے آکھیا کہ اک پاسے جیل انتظامیہ ہائی کورٹ وچ دعویٰ کردی رہی کہ عمران نوں کتاباں، اخباراں تے ٹی وی چینلاں دی سہولت حاصل اے، جدکہ دوجے پاسے سپریم کورٹ وچ جمع کروائی گئی رپورٹ وچ ڈاکٹر ولوں عمران دے ذہنی دباؤ، ملاقاتاں دی بندش تے طبیعت متاثر ہوݨ دا ذکر کیتا گیا اے۔ حلیم عادل شیخ مطابق ایہ تضاد کئی سنجیدہ سوالاں نوں جنم دیندا اے۔ حکومت تے جیل انتظامیہ فوری طور تے عمران خان دی صحت دے حوالے نال سنجیدہ قدم چکے تے اوہناں نوں ساریاں ضروری سہولتاں دیوے۔ حلیم عادل شیخ نے صاف آکھیا کہ پی ٹی آئی دا اصل تے واضح مطالبہ بانی دی فوری رہائی اے۔