HIV، ہیپاٹائٹس سی دے تدارک لئی تکنیکی ورکنگ گروپ قائم۔

ڈاکٹر اظہر کیانی کنوینر، 15 رکنی ورکنگ گروپ وچ ماہرینِ صحت وی شامل۔

اسلام آباد (نیوز رپورٹر): وزیراعظم شہباز شریف دی ہدایت تے وزارتِ قومی صحت نے ملک وچ ایچ آئی وی تے ہیپاٹائٹس سی دے تدارک لئی تکنیکی ورکنگ گروپ بݨا دتا اے جو دونوں بیماریاں دی روک تھام دے قومی پروگرام نوں اثر دار بݨاوݨ لئی حکومت نوں تکنیکی سفارشاں تے تجاویز پیش کرے گا۔ 15 رکنی ورکنگ گروپ دے کنوینر میجر جنرل (ر) ڈاکٹر اظہر محمود کیانی نوں مقرر کیتا گیا اے جدکہ وزارتِ قومی صحت دے ڈائریکٹر جنرل (ہیلتھ) ڈاکٹر عبدالولی خان گروپ دے ممبر تے سیکرٹری ہوݨ گے۔ گروپ وچ ملک بھر توں متعدی بیماریاں، ایپیڈیمولوجی، ہیپاٹولوجی، بلڈ سیفٹی تے پیتھالوجی دے شعبیاں نال جڑے ماہرینِ صحت شامل کیتے گئے نیں۔