ایم ٹو تے متعدد گڈیاں ٹکرا گئیاں، 1 شخص جاں بحق، 36 زخمی۔
راولپنڈی (خبر نگار): ایم ٹو موٹروے تے کیپٹل سمارٹ سٹی دے نیڑے شدید بارش پاروں بس سمیت متعدد گڈیاں آپس وچ ٹکرا گئیاں جیہدے نتیجے وچ اک شخص جاں بحق تے 36 افراد زخمی ہو گئے۔
ریسکیو 1122 مطابق جاں بحق ہوݨ والے شخص دی شناخت شمس الرحمان ولد محمد سلیمان دے نام توں ہوئی اے جو اٹک دا رہائشی سی۔ حکام مطابق حادثے وچ مجموعی طور تے 36 افراد زخمی ہوئے جنہاں وچوں 27 نوں پمز جدکہ 3 نوں شفا انٹرنیشنل ہسپتال منتقل کیتا گیا، کجھ زخمیوں نوں موقعے تے ہی ابتدائی طبی امداد وی فراہم کیتی گئی۔
