پاکستان تے روس وچالے اہم شعبیاں وچ تعاون تے رابطے جاری رکھݨ تے اتفاق۔

اسلام آباد: نائب وزیراعظم تے وزیرِخارجہ اسحاق ڈار نال روس دے سفیر البرٹ خوریف نے ملاقات کیتی جیہدے وچ پاک روس دوطرفہ تعلقات وچ پیشرفت دا جائزہ لیا تے علاقائی امن و استحکام لئی سفارتی حل تے گل بات دے تسلسل تے زور دتا۔

ملاقات دوران نائب وزیراعظم تے وزیرِ خارجہ اسحاق ڈار نے پاک روس دوطرفہ تعلقات وچ آوݨ والے مثبت موڑ تے ودھدی ہوئی پیشرفت نوں سراہیا۔

انہاں نے دونوں ملکاں وچالے تعلقات نوں مزید تکڑا کرن لئی اہم تے کلیدی شعبیاں وچ تعاون دے ودھاء دے نال نال اعلیٰ سطحی رابطیاں تے ملاقاتاں دے تسلسل دی اہمیت تے خاص زور دتا۔

ایس موقعے تے نائب وزیراعظم نے پاکستان دے ایس پرانے تے اصولی موقف نوں دہرایا کہ جھگڑیاں دے حل، فارقاں نوں دور کرن تے خطے وچ پائیدار امن و استحکام دے ودھاء لئی صرف گل بات تے سفارت کاری ہی واحد حل نیں۔