امریکا نال کسے قسم دی گل بات نہیں ہو رہی: ترجمان پاسداران انقلاب

تہران: پاسداران انقلاب دے ترجمان بریگیڈیئر جنرل حسین محبی نے واضح کیتا اے کہ امریکا نال کسے قسم دی گل بات نہیں ہو رہی جدکہ سفارتی معاملے وزارت خارجہ تے دوجے متعلقہ اداریاں دی ذمہ داری نیں۔
بریگیڈیئر جنرل حسین محبی نے آکھیا کہ امریکا توں سفارتی ذرائع مارفت وی کوئی مذاکرات نہیں کیتے جا رہے، سفارتی گل بات دا نہ ہونا امریکا ولوں کیتے گئے وعدیاں دی خلاف ورزیاں دا نتیجہ اے۔
ترجمان پاسداران انقلاب نے امریکی صدر ڈونلڈ ٹرمپ دے بیاناں نوں تنقید دا نشانہ بناندیاں آکھیا کہ انہاں دا مقصد تیل دیاں قیمتاں نوں عارضی طور اتے کنٹرول کرنا اے۔
بریگیڈیئر جنرل حسین محبی نے ہور آکھیا کہ امریکا کول اکو راہ شکست من لینا تے ایرانی شرطاں قبول کرنا اے، امریکی صدر دے خیالی تصورات میدانِ جنگ وچ امریکا دی مدد نہیں کر سکدے۔