پنجاب وچ بلدیاتی حلقہ بندیاں مکمل، ریکارڈ الیکشن کمیشن نوں ارسال

لاہور: (محمد اشفاق) پنجاب وچ بلدیاتی انتخاباں دے حوالے نال وڈی پیش رفت سامنے آئی اے۔ پنجاب وچ بلدیاتی انتخاباں لئی حلقہ بندیاں دا مرحلہ مکمل ہو گیا اے، صوبے بھر وچ مکمل کیتی گئی حلقہ بندیوں دا ریکارڈ الیکشن کمیشن آف پاکستان نوں ارسال کر دتا گیا اے۔ حلقہ بندیاں دا کم 20 اپریل 2026 توں شروع کیتا گیا سی، جیدے دوران شہریاں ولوں 150 توں زیادہ اعتراضات دائر کیتے گئے۔ لاہور وچ مجموعی طور اتے 433 یونین کونسلاں قائم کیتیاں گئیاں نیں، شالیمار ٹاؤن وچ 72، راوی ٹاؤن وچ 52، واہگہ ٹاؤن وچ 25 تے علامہ اقبال ٹاؤن وچ 37 یونین کونسلاں قائم کیتیاں گئیاں نیں. ایس طرحاں سٹی ٹاؤن وچ 69، رائے ونڈ وچ 32، ماڈل ٹاؤن وچ 77، نشتر ٹاؤن وچ 40 تے صدر وچ 29 یونین کونسلاں بنائیاں گئیاں نیں۔ دستیاب ریکارڈ دے مطابق 2015 وچ لاہور وچ یونین کونسلاں دی گنتی 274 سی، جیہڑی ہن ودھ کے 433 ہو گئی اے، حلقہ بندیاں دا ریکارڈ الیکشن کمیشن نوں بھجوائے جان مگروں پنجاب وچ بلدیاتی انتخاباں ول اک اہم مرحلہ مکمل ہو گیا۔