پاکستان تے روس دے وچکار کلیدی شعبیاں وچ تعاون تے رابطے جاری رکھن اتے اتفاق

اسلام آباد: نائب وزیراعظم تے وزیر خارجہ اسحاق ڈار نال روس دے سفیر البرٹ خوریف نے ملاقات کیتی جیدے وچ پاک روس دوطرفہ تعلقات وچ پیشرفت دا جائزہ لیا تے علاقائی امن تے استحکام لئی سفارتی حل تے مذاکرات دے تسلسل اتے زور دتا۔
ملاقات دے دوران نائب وزیراعظم تے وزیرِ خارجہ اسحاق ڈار نے پاک روس دوطرفہ تعلقات وچ آن والے مثبت موڑ تے ودھدی ہوئی پیشرفت نوں سراہیا۔
انہاں دونویں دیساں دے وچکار تعلقات نوں ہور مضبوط کرن لئی اہم تے کلیدی شعبیاں وچ تعاون دے ودھاء دے نال نال اعلیٰ پدھر دے رابطیاں تے ملاقاتاں دے تسلسل دی اہمیت اتے خاص زور دتا۔
اس موقعے اتے نائب وزیراعظم نے پاکستان دے اس پرانے تے اصولاں اتے مبنی موقف دا اعادہ کیتا کہ تنازعات دے حل، اختلافاں نوں دُور کرن تے خطے وچ پائیدار امن تے استحکام دے ودھاء لئی صرف مذاکرات تے سفارت کاری ہی اکو راہ نیں۔