قدرتی آفات، صدر ولوں امدادی کامیاں دی بہادری تے بے لوث جذبے نوں خراجِ تحسین

اسلام آباد (سٹاف رپورٹر): صدرِ مملکت آصف علی زرداری دا انسانی ہمدردی دے عالمی دہاڑے (دن) تے سنیہا: انسانی ہمدردی دے عالمی دہاڑے تے پاکستان، بین الاقوامی برادری نال رل کے، قدرتی آفات، اضطراری حالات تے بحراناں دے دوران پہلی صف وچ خدمات انجام دین والے امدادی کامیاں (کارکنان) دی بہادری، بے لوث جذبے تے لگن نوں خراجِ تحسین پیش کردا اے۔

قدرتی آفات تے اوکھے و خطرناک حالات دے باوجود، دکھی انسانیت دی مدد لئی اوہناں دا ترت (فوری) ردِعمل، امداد تے بحالی دیاں سرگرمیاں وچ کردار تے اوہناں دا پکا ارادہ داد دے جوگ اے۔ اسیں اوہناں امدادی کامیاں دے شکر گزار آں جو سول سوسائٹی، سکیورٹی فورسز تے عام شہریاں نال مل کے، ناگہانی آفات دے دوران مدد لئی تیار رہندے نیں، اوہناں دا جذبہ سانوں سانجھی ذمہ داری دی یاد دواؤندا اے کہ اسیں لوڑونداں دی مدد کریے تے ایس گل نوں یقینی بنائیے کہ بحراناں وچ کوئی وی بندہ بے یار و مددگار نہ رہے۔