زرعی انکم ٹیکس تے آئی ایم ایف نوں مناوݨ لئی کوشلاں تیز، متبادل پلان تیار
30 ستمبر تیکر صوبیاں توں زرعی انکم ٹیکس دے گوشواریاں دا انتظار، لوڑیندا ہدف حاصل نہ ہوݨ تے متبادل پلان لاگو کرن دی تیاری۔ فی ایکڑ 5 ہزار روپئے تیکر فکس ٹیکس دی تجویز، آئی ایم ایف دی رضامندی تے اکتوبر وچ کاشتکاراں لئی سکیم سامھنے لیاوݨ تے غور۔
اسلام آباد زرعی انکم ٹیکس دے معاملے تے آئی ایم ایف نوں راضی کرن لئی حکومت نے کوشلاں تیز کر دتیاں، صوبیاں توں زرعی انکم ٹیکس دی وصولی دے ہدف پورے نہ ہوݨ دی صورت وچ متبادل پلان تیار کیتا جا رہیا اے، زرعی انکم ٹیکس دے متبادل پلان تے آئی ایم ایف نوں مناوݨ لئی حکومتی کوشلاں کیتیاں جا رہیاں نے۔ زرعی شعبے لئی فکس ٹیکس سکیم تے فی ایکڑ 5000 روپئے تیکر انکم ٹیکس لیاوݨ دی تجویز اے۔ صوبیاں توں زرعی انکم ٹیکس دے واجبات دے ہدفاں تے متبادل پلان دیاں تیاریاں نے، زرعی انکم ٹیکس دے متبادل پلان تے آئی ایم ایف نوں مناوݨ لئی حکومتی کوشلاں تیزی نال جاری نے۔ زرعی شعبے لئی فکس ٹیکس سکیم تے فی ایکڑ 5000 روپئے تیکر انکم ٹیکس لیاوݨ دی تجویز اے۔ صوبیاں توں زرعی انکم ٹیکس دے حوالے نال گوشواریاں دا 30 ستمبر تیکر انتظار کیتا جاوے گا، زرعی انکم ٹیکس تے گوشواریاں دا لوڑیندا ہدف حاصل نہ ہوݨ تے متبادل پلان لاگو ہووے گا۔
آئی ایم ایف دی رضامندی تے صوبیاں توں زرعی انکم ٹیکس دی فکسڈ سکیم تے گل بات ہووے گی، تاجروں وانگوں کاشتکاراں، زمینداراں نوں وی اکتوبر وچ فکس سکیم دتی جا سکدی اے، آئی ایم ایف موجب زرعی انکم ٹیکس دی وصولی وچ لگاتار تاخیر ہو رہی اے، ذرائع موجب آئی ایم ایف نال اگلے مہینے توں معاشی جائزاتی مذاکرات شروع ہوݨ گے۔ ذرائع موجب آئی ایم ایف ولوں زرعی انکم ٹیکس دی وصولی وچ لگاتار تاخیر تے تحفظات دا اظہار کیتا گیا اے، جِس پاروں حکومت صوبیاں نال مل کے متھے ہوئے ہدفاں دے حصول لئی وکھ وکھ راہواں تے غور کر رہی اے۔ حکومتی ذرائع دا کہنا اے کہ زرعی انکم ٹیکس دے حوالے نال حتمی فیصلہ صوبیاں توں ملن والے گوشواریاں تے وصولی دی صورتحال دا جائزہ لین توں بعد کیتا جاوے گا۔
