سپریم تے آئینی عدالت دے چیف جسٹس صاحبان دے اعزاز وچ استقبالیہ.

چیف جسٹس یحییٰ آفریدی نے ہتھ جوڑ کے وکلا نوں تاڑیاں مارن توں ڈک دتا لاہور (کورٹ رپورٹر، نیوز ایجنسیاں) سپریم کورٹ لاہور رجسٹری وچ چیف جسٹس پاکستان یحییٰ آفریدی تے وفاقی آئینی عدالت دے چیف جسٹس دے اعزاز وچ استقبالیہ دا اہتمام کیتا گیا، جسٹس یحییٰ آفریدی نے ہتھ جوڑ کے وکلا نوں تاڑیاں مارن توں ڈک دتا، وائس چیئرمین پاکستان بار کونسل پیر مسعود چشتی دی سدے تے چیف جسٹس پاکستان جسٹس یحییٰ آفریدی تے وفاقی آئینی عدالت دے چیف جسٹس، جسٹس امین الدین خان سپریم کورٹ لاہور رجسٹری پہنچے تے اوہناں دا جوش نال استقبال کیتا گیا۔ تقریب وچ جسٹس جمال خان مندوخیل، جسٹس عائشہ اے ملک تے جسٹس علی باقر نجفی نے شرکت کیتی۔ اس موقعے تے پیر مسعود چشتی نے چیف جسٹس پاکستان تے آئینی عدالت دے چیف جسٹس نوں وکلا نوں پیش آؤن والے مسلاں توں واقف کیتا۔ اوہناں نے سپریم کورٹ لاہور رجسٹری نوں چلدا رکھن تے چیف جسٹس یحییٰ آفریدی دا شکریہ ادا کیتا جد کہ آئینی عدالت دے چیف جسٹس توں سپریم کورٹ لاہور رجسٹری دے آئینی بینچ وچ ویڈیو لنک دی سہولت دین دا منگ وی کیتا۔