پولیس گڈیاں سارن دا کیس: شاہ محمود قریشی دی ضمانت التجا تے سماعت پہلی ستمبر تک ملتوی

لاہور (کورٹ رپورٹر، آئی این پی) انسدادِ دہشت گردی عدالت لاہور وچ جناح ہاؤس دے نیڑے پولیس دیاں گڈیاں سارن دے مقدمے وچ پی ٹی آئی رہنما شاہ محمود قریشی دی ضمانت التجا تے سماعت، عدالت نے کارروائی پہلی ستمبر تک ملتوی کر دتی۔

لاہور دی انسدادِ دہشت گردی عدالت دے جج منظر علی گل نے کیس دی سماعت کیتی۔ شاہ محمود نے مقدمے وچ پھڑے جان توں بعد (بعد از گرفتاری) ضمانت دی التجا دائر کر رکھی اے— پولیس دے مطابق تھانہ سرور روڈ وچ مقدمہ درج اے۔ اس توں علاوہ انسدادِ دہشت گردی عدالت وچ زمان پارک وچ اسلام آباد پولیس تے حملے دے مقدمے وچ فلک جاوید دی ضمانت التجا تے سماعت 24 اگست تک ملتوی ہو گئی۔ انسدادِ دہشت گردی عدالت دے جج منظر علی گل نے سماعت کیتی۔ پراسیکیوشن نے مقدمے دا ریکارڈ پیش کرن لئی ویلا منگیا تے عدالت نے فلک جاوید دی ضمانت التجا 24 اگست تک ملتوی کر دتی۔