(ن) لیگ دے عبدالرحمن آرائیں قانون ساز اسمبلی وچ اوورسیز کشمیریایاں دی مخصوص نشست تے بلامقابلہ چُنے گئےْْ
مظفرآباد (محمد اسلم میر) پاکستان مسلم لیگ (ن) دے امیدوار عبدالرحمن آرائیں آزاد جموں تے کشمیر قانون ساز اسمبلی وچ اوورسیز کشمیریایاں دی مخصوص نشست تے بلامقابلہ چُنے گئے۔۔۔
کسے دوجی جماعت دے امیدوار ولوں اس نشست تے کاغذاتِ نامزدگی جمع نہ کراؤن پاروں عبدالرحمن آرائیں دی کامیابی عمل وچ آئی، جیہدے بعد اسمبلی وچ مسلم لیگ (ن) دی نشستاں دی گنتی 26 ہو گئی۔ مخصوص نشستاں لئی گھٹو گھٹ 12 امیدواراں نے جمعرات نوں آزاد جموں تے کشمیر الیکشن کمیشن کول کاغذاتِ نامزدگی جمع کرا دتے، جیہدے بعد 24 اگست نوں ہون والے چوناواں (انتخابات) دیاں تیاریاں تکھیاں ہو گئیاں۔
