آن لائن فراڈ: پھڑے گئے باہرلے ملکیاں لئی لاک اپ سب جیل قرار
آن لائن فراڈ: پھڑے گئے باہرلے ملکیاں (غیر ملکیوں) لئی لاک اپ سب جیل قرار
وزارتِ داخلہ، این سی سی آئی اے، آئی جی اسلام آباد، انتظامیہ نوں خبر دے دتی گئی، غیر ملکی شہریاں دی سہولت کاری وچ مبینہ ملوث پاسپورٹ اہلکار جنید مغل معطل
اسلام آباد (عادل تنولی) آن لائن فراڈ وچ ملوث غیر ملکی شہریاں دی گرفتاری دے معاملے تے این سی سی آئی اے دی حراست ہیٹھ ملزماں لئی اسلام آباد وچ سب جیل قائم کر دتی گئی۔ تفصیلات مطابق چیف کمشنر اسلام آباد نے سیکٹر آئی ٹین وچ واقع سب لاک اپ نوں سب جیل قرار دیندیاں نوٹیفکیشن جاری کر دتا اے۔ نوٹیفکیشن مطابق سب جیل وچ این سی سی آئی اے ولوں پھڑے گئے بندیاں نوں رکھیا جاوے گا جد کہ سب جیل دی سکیورٹی تے حراست ہیٹھ بندیاں دی ذمہ داری ڈائریکٹر جنرل این سی سی آئی اے دی ہووے گی۔ ریکارڈ دی دیکھ بھال لئی بی پی ایس 17 یا ایہدے توں وڈے گریڈ دا افسر وی تعینات کیتا جاوے گا۔
نوٹیفکیشن مطابق سب جیل دا قیام ترت (فوری) طور تے نافذ العمل ہووے گا تے اگلیڈیاں ہدایتاں تک برقرار رہے گا۔ سب جیل دے قیام بارے وزارتِ داخلہ، این سی سی آئی اے، آئی جی اسلام آباد تے ضلعی انتظامیہ نوں وی خبر دے دتی گئی اے۔ دوجے پاسے غیر ملکی شہریاں دی سہولت کاری وچ پاسپورٹ اینڈ امیگریشن ڈیپارٹمنٹ دے اہلکار دے مبینہ طور تے ملوث ہون دے معاملے تے ڈی جی پاسپورٹس محمد علی رندھاوا نے نوٹس لیندیاں اہلکار جنید مغل نوں معطل کر دتا اے۔
