عمران دی رپورٹ دے خفیہ مندرجات ظاہر نہیں کیتے جان گے : پمز انتظامیہ

ماہر ڈاکٹران نے معائنہ کیتا، مریض دی رازداری تے سپریم کورٹ دیاں ہدایات دا احترام کیتا جاوے گا

اسلام آباد پمز انتظامیہ نے کہیا اے کہ بانی پی ٹی آئی عمران خان نوں 20 تے 21 اگست دی درمیانی رات طبی معائنے تے علاج لئی پمز اسلام آباد لایا گیا، ایس حوالے نال جاری اعلامیے وِچ انتظامیہ نے کہیا کہ شفا انٹرنیشنل ہسپتال دے 2 ماہر ڈاکٹران نے اکھاں دے معائنے وِچ حصہ لیا جبکہ دوجے میڈیکل چیک اپ متعلقہ پمز ماہرین نے کیتے، اکھاں دے معائنے توں حاصل ہوݨ والی طبی رائے نوں پمز وِچ کیتی گئی تحقیقات دے نتائج نال مجموعی جائزے وِچ شامل کیتا گیا اے، پمز دے ڈاکٹران تے مشتمل میڈیکل بورڈ نے تمام طبی نتائج یکجا کر کے میڈیکل فٹنس رپورٹ مرتب کیتی اے، مریض دی رازداری تے سپریم کورٹ آف پاکستان دیاں ہدایات دا مکمل احترام کیتا جاوے گا، طبی رپورٹ دے خفیہ مندرجات ظاہر نہیں کیتے جان گے۔