پاکستان نوں حلال معیشت لئی عالمی منڈیاں دی نشاندہی کرنی چاہیدی اے : وزیرِ خزانہ
اسلام آباد (اے پی پی) وفاقی وزیرِ خزانہ تے محصولات سینیٹر اورنگزیب نال اسلامی چیمبر آف کامرس اینڈ ڈویلپمنٹ (آئی سی سی ڈی) دے سیکرٹری جنرل شیخ یوسف حسن خلوی نے ملاقات کیتی۔۔۔
جیہدے وِچ اقتصادی تعاون، حلال معیشت، اسلامی فنانس تے نجی شعبے درمیان رابطیاں نوں ودھاؤن دے امکانات تے تبادلہ خیال کیتا گیا۔ وزیرِ خزانہ نے کہیا کہ پاکستان نوں حلال معیشت دے وسیع تصور توں اگے ودھدے ہوئے مخصوص مصنوعات، شعبیاں تے عالمی منڈیاں دی نشاندہی کرنی چاہیدی اے تاں جو پاکستانی کاروبار ابھردے ہوئے موقعیاں توں بھرپور فائدہ چک سکن۔ آئی سی سی ڈی دے سیکرٹری جنرل نے اسلامی چیمبر دی عالمی سطح تے ودھدی سرگرمیاں تے مسلم کاروباری برادریاں نوں نجی شعبے تے ادارہ جاتی شراکت داراں نال جوڑن دیاں کوشساں توں آگاہ کیتا۔
