پاکستان سمیت 12 دیساں ولوں شام وچ اسرائیلی حملیاں دی مذمت

پاکستان سمیت 12 دیساں نے شام وچ اسرائیلی حملیاں دی شدید مذمت کردیاں ہویاں حملیاں نوں علاقائی سالمیت دی خلاف ورزی قرار دے دتا اے۔

پاکستان سمیت 12 دیساں نے شام وچ ابو الظہور فوجی ائیر بیس اتے اسرائیلی فضائی حملیاں دی شدید مذمت کیتی اے تے حملیاں نوں شام دی خود مختاری، علاقائی سالمیت تے سیاسی وحدت دی کُھلّی خلاف ورزی قرار دتا اے۔ وزارت خارجہ دے مطابق پاکستان، ترکیہ، الجزائر، انڈونیشیا، اردن، لبنان، ملائیشیا، موریطانیہ، فلسطین، قطر، سعودی عرب تے صومالیہ دے وزرائے خارجہ ولوں سانجھا اعلامیہ جاری کیتا گیا اے۔ اعلامیے وچ آکھیا گیا اے کہ شام دی دھرتی تے انفرااسٹرکچر نوں لگاتار نشانہ بنان نال دیس وچ سکیورٹی دی بحالی، قومی ادارےآں دی تعمیر نو تے لمے تنازعے دے انسانی اثرات نال نبٹن دی کوششاں نوں نقصان پہنچن دا خطرہ اے۔