حکومت دا درآمد کیتی گئی چینی ہی واپس برآمد کرن دا فیصلہ
حکومت نے درآمد کی گئی چینی وچوں اک لکھ 8 ہزار میٹرک ٹن چینی برآمد کرن دا فیصلہ کر لیا اے۔
جیو نیوز دے پروگرام “آج شاہ زیب خانزادہ دے نال” وچ گل بات کردیاں ہویاں وفاقی وزیر برائے فوڈ سکیورٹی رانا تنویر نے آکھیا کہ حکومت ولوں چینی ایکسپورٹ کرن نال مقامی مارکیٹ وچ چینی دیاں قیمتاں نہیں ودھن گیاں۔ انہاں آکھیا کہ دیس وچ چینی دا وافر سٹاک موجود اے، عالمی مارکیٹ وچ چینی دیاں قیمتاں بہتر ہون دی وجہ توں حکومت اس سٹاک نوں ایکسپورٹ کرنا چاہندی اے تاکہ اس نوں اچھے ریٹ اتے ویچیا جا سکے۔
دوجے پاسے عوام پاکستان پارٹی دے رہنما مفتاح اسماعیل نے حکومت دی شوگر پالیسی اتے سخت تنقید کیتی اے
