مودی نوں دھچکا، امریکی کمیشن دا آر ایس ایس اُتے پابندی دا مطالبہ
نریندر مودی دی ایما اُتے شدت پسند گروہاں نے اقلیتاں اُتے حملے کیتے، ڈاکٹر عاصف؛ بھارت وچ مسلمان ہونا ہی انتہا پسنداں دا نشانہ بنن دی وڈی وجہ بن رہیا اے، سماجی کارکن
اسلام آباد (خصوصی نیوز رپورٹر): بھارت وچ مذہبی کشیدگی نوں ودھاؤن والی انتہا پسند ہندو تنظیم آر ایس ایس نوں مسلمان دشمنی مہنگی پے گئی اے۔ آر ایس ایس دے سربراہ دے دورۂ امریکا توں پہلاں ہی امریکی کمیشن نے ہندو تنظیم نوں آڑے ہتھیں لے لیا۔
ترک جریدے ٹی آر ٹی دی رپورٹ مطابق، امریکی کمیشن برائے بین الاقوامی مذہبی آزادی نے بھارت وچ اقلیتاں اُتے حملیاں وچ ملوث آر ایس ایس اُتے پابندی لاؤن دا مطالبہ کیتا اے۔
امریکی کمیشن برائے بین الاقوامی مذہبی آزادی دے چیئرمین ڈاکٹر عاصف محمود دا کہنا اے کہ انتہا پسند مودی سرکار دی ایما اُتے شدت پسند گروہاں نے مسلمانوں سمیت بھارتی اقلیتاں اُتے حملے کیتے نیں۔ اوہناں دا کہنا اے کہ امریکا نوں مذہبی آزادی دیاں خلاف ورزیاں وچ ملوث آر ایس ایس خلاف سخت کارروائی کرنی چاہیدی اے۔
بھارتی سماجی کارکن آصف مجتبیٰ دے مطابق، بھارت وچ مسلمان ہونا ہی انتہا پسنداں دا نشانہ بنن دی وڈی وجہ بن رہیا اے۔ ٹی آر ٹی ورلڈ دے مطابق ہیومن رائٹس واچ، ایمنسٹی انٹرنیشنل سمیت کئی عالمی اداریاں نے وی بھارتی مسلمانوں خلاف ریاستی زیادتیاں دی نشاندہی کیتی اے۔
امریکی کمیشن برائے مذہبی آزادی دی 2026 دی سالانہ رپورٹ وچ وی آر ایس ایس تے بھارتی خفیہ ایجنسی را اُتے پابندی لاؤن دا مطالبہ کیتا جا چکیا اے۔
سابق آر ایس ایس رہنما یشونت سہدیو شندے دے مطابق، آر ایس ایس نال وابستہ عناصر بم دھماکیاں وچ مسلمانوں نوں نشانہ بنا کے نفرت تے فسادات دی فضا پیدا کرن وچ مصروف نیں۔
