ڈی ایچ اے فیز 5 وچ آئی بی اے اسلام آباد کیمپس دا سنگِ بنیاد

ی ایچ اے فیز 5 وچ آئی بی اے اسلام آباد کیمپس دا سنگِ بنیاد

اسلام آباد (خصوصی نیوز رپورٹر) ڈی ایچ اے اسلام آباد راولپنڈی تے انسٹی ٹیوٹ آف بزنس ایڈمنسٹریشن (آئی بی اے) کراچی دے درمیان تعلیمی شعبے وچ اہم اشتراک دے تحت ڈی ایچ اے اسلام آباد فیز 5 وچ آئی بی اے کراچی دے اسلام آباد کیمپس دا سنگِ بنیاد رکھ دِتا گیا اے۔

سنگِ بنیاد رکھن دی تقریب وچ آئی بی اے کراچی دے ایگزیکٹو ڈائریکٹر ڈاکٹر ایس اکبر زیدی، ایڈمنسٹریٹر ڈی ایچ اے اسلام آباد تے ہور اہم شخصیات نے شرکت کیتی۔ تقریب دوران مہماناں نے پودا وی لگایا۔

مجوزہ اسلام آباد کیمپس وچ جدید تعلیمی بلاک، ریسرچ بلاک، لائبریری تے جدید آڈیٹوریم تعمیر کیتے جان گے، جدویں طلبہ لئی جدید کھیل تے رہائشی سہولتاں وی فراہم کیتیاں جان گیاں۔

تقریب نوں خطاب کردیاں آئی بی اے کراچی دے ایگزیکٹو ڈائریکٹر ڈاکٹر ایس اکبر زیدی نے آکھیا کہ آئی بی اے اسلام آباد کیمپس پاکستان دے تعلیمی شعبے وچ اک اہم سنگِ میل ثابت ہووے گا۔

اوہناں آکھیا کہ کیمپس دے قیام نال اسلام آباد، راولپنڈی، خیبر پختونخوا تے شمالی علاقہ جات نال تعلق رکھن والے طلبہ نوں عالمی معیار دیاں تعلیمی سہولتاں تک رسائی حاصل ہووے گی۔

اوہناں مزید آکھیا کہ اسلام آباد کیمپس مستقبل دی باصلاحیت قیادت دی تیاری وچ اہم کردار ادا کرے گا۔