حکمران آئین اُتے عمل نہیں کردے تاں ایہ اوہناں دی کوتاہی اے: فضل الرحمن

کمران آئین اُتے عمل نہیں کردے تاں ایہ اوہناں دی کوتاہی اے: فضل الرحمن

پشاور جمعیت علمائے اسلام (ف) دے سربراہ مولانا فضل الرحمن نے آکھیا اے کہ جے حکمران آئین اُتے عمل نہیں کردے تاں ایہ اوہناں دی کوتاہی اے۔ آئین وچ واضح طور اُتے درج اے کہ قرآن تے سنت دے منافی کوئی قانون نہیں بنایا جاوے گا۔

پشاور وچ جمعیت علمائے اسلام (ف) دے ورکرز کنونشن نوں خطاب کردیاں اُنہاں مزید آکھیا کہ جمعیت علمائے اسلام دے اکابرین نے سیاسی جدوجہد دیاں تعلیمات دِتیاں نیں تے اج وی اسی انہاں تعلیمات اُتے عمل کرن دے محتاج آں۔

مولانا فضل الرحمن نے آکھیا کہ ملک دے دفاع لئی مضبوط دفاعی طاقت ریاست تے ملک دی ضرورت اے۔ جے یو آئی (ف) پاکستان دی مضبوط دفاعی قوت دی قائل اے۔

دوجے پاسے جے یو آئی (ف) دے مرکزی جنرل سیکرٹری عبدالغفور حیدری نے آکھیا کہ ملک دی موجودہ صورتحال برصغیر دی صورتحال توں مختلف نہیں۔ جمعیت علمائے اسلام دی آواز دباؤن لئی ہر حربہ استعمال کیتا جا رہیا اے۔

اُنہاں آکھیا کہ جڑے لوک کونسلر دی نشست تک نہیں جِت سکدے، انہاں نوں جے یو آئی (ف) دے مقابلے وچ لیایا جاندا اے۔