پی ٹی آئی نوں سیاست وچ جمہوری طریقہ اپنانا چاہیدا اے: رانا تنویر
پی ٹی آئی نوں سیاست وچ جمہوری طریقہ اپنانا چاہیدا اے: رانا تنویر
مریدکے وفاقی وزیر قومی غذائی تحفظ تے تحقیق رانا تنویر حسین نے آکھیا اے کہ حکومت سیاسی معاملات نوں جمہوری انداز وچ حل کرن تے مذاکرات دے ذریعے مسئلے حل کرن اُتے یقین رکھدی اے۔ وزیراعظم شہباز شریف ماضی وچ وی اپوزیشن نوں مذاکرات دی پیشکش کر چکے نیں۔ پی ٹی آئی نوں ہُن سمجھ لینا چاہیدا اے کہ سیاست وچ جمہوری طریقہ اپنایا جاوے۔
مریدکے وچ میڈیا نال گل بات کردیاں اُنہاں مزید آکھیا کہ وزیراعظم شہباز شریف پٹرولیم مصنوعات دیاں قیمتاں گھٹاؤن دی بھرپور کوشش کر رہے نیں۔ موجودہ حالات وچ وسائل محدود ہون دے باوجود حکومت عوام نوں ریلیف دین تے پٹرولیم مصنوعات دیاں قیمتاں گھٹاؤن لئی کوششاں کر رہی اے۔
وفاقی وزیر نے آکھیا کہ بھارت نے اک واری فیر پاکستان مخالف بیانیہ تے پروپیگنڈا شروع کیتا اے، جس دا پاکستان نے منہ توڑ جواب دِتا اے۔ بھارتی پروپیگنڈے دا وزارتِ خارجہ وی بھرپور جواب دے چکی اے۔
